Iran: Vetura e Ahmadinexhadit, një grua, dhe një plak i uritur

Një video onlajn, ku shihet një grua e re se si kërcen mbi kapakun e veturës së kryetarit iranian Mahmud Ahmadinexhad, derisa ai ishte për vizitë në qytetin Bandar-Abbass (qytet në bregdetin jugor të Iranit) më 10 prill 2012, ka shkaktuar reagime të shumta.

Gruaja e re i thotë kryetarit diçka shkurtimisht, vetura e të cilit është e rrethuar me spektatorë. Në ndërkohë, një njeri plak, poashtu përpiqet t'i afrohet Ahmadinexhedit. Ai ankohet, “Ahmadinexhad, jam i uritur! Ahmadinexhad, jam i uritur!” Ahmadinexhedi vazhdon të qeshet dhe t'ua bëjë me dorë njerëzve përreth, duke vështruar nga kulmi i diellit të veturës.

Për çudi, derisa shumica e mediumeve perëndimore kanë folur për vajzën, bloguesit iranianë u fokusuan te plaku i uritur.

Karansadr thotë [persisht]:

Ky plak që bërtet “Jam i uritur, jam pensionist”, tregon se të gjitha premtimet e Ahmadinexhadit ishin të rreme. Akoma na kujtohet kur ai tha se Irani është vendi i vetëm ku nuk ka uri.

Babak Dad shkruan [persisht]:

Një ditë, këta njerëz do të na pyesin, “Çka bëtë ju kur ne po ballafaqoheshim me urinë?” A kemi përgjigje? Dyshoj.

Nis komentet

Autorë, ju lutem hyr »

Rregullat

  • Të gjitha komentet lexohen nga moderatori. Mos dërgo të njëjtin koment më shumë se një herë pasi mund të konsiderohet spam.
  • Respekto të tjerët. Komentet me gjuhë urrejtjeje, të pahijshme dhe sulme personale nuk do të miratohen.