Sipas lajmeve të fundit për komplotet e supozuara të goditjeve shtetërore, policia mbrëmë arrestoi ish presidentin e Malavisë – Bakili Muluzi, dhe e vendosi në arrest shtëpiak. Gazetari nga Lilongve Brajt Sonani dëshmoi për ngjarjet në aeroportin ndërkombëtarë Kamuzu në Linlongve ku u burgos Muluzi para arritjes nga Britania e Madhe:

Pas arrestimit dramatik në aeroportin ndërkombëtarë në Kamuzu rreth orës 14:45, kryetari i UDF tridhjetë minuta më vonë u vendos në aeroplan ushtarak Dornier tek forcat e armatosura në Malavi me 16 ulëse, i cili e dërgoi drejt në Blantir..

Atupele, djali i Maluzu konfirmoi se babai i tij është akuzuar për tradhti.

Megjithatë qeveria mbrëmë refuzoi të komentojë menjëherë pas arrestimit gjë e cila shkaktoi tension në qytetin Lilongve përderisa zgjatën luftimet në mes të policisë dhe përkrahësve të UDF të cilët, të revoltuar nga ngjarja, i bllokuan rrugët, veçanërisht ata të cilat dërgojnë në KIA…..

“Me sa duket ata kanë arrestuar ish presidentin për shkak akuzimit për tradhti. Nuk kanë urdhër, kanë refuzuar kërkesën e tij për ta lëshuar aeroportin, duan ta dërgojnë në lokacion të panjohur me avion ushtarak”, deklaron Atupele, i cili ishte politikan i vetëm në UDF dhe bashkëpunëtori më i afërm i Maluzu të cilit iu lejua qasje në aeroport pas arrestimit.

Menjëherë pas arrestimit policia e çarmatosi ish shefin e shërbimit qeverisës të sigurimit.

Muluzi ishte i arrestuar me tetë persona të lartë të opozitës dhe shërbimeve për siguri të cilët qysh atëherë u lëshuan me pagesë.

Në ndërkohë, presidenti i Malavisë Bingu va Mutarika është në Japoni në takim me udhëheqësit afrikan.

Ka reagime të ndryshme për arrestin e fundit. Përderisa ndodh e gjithë kjo, një bloger Malavik lëshon anketë për atë se si qytetarët e Malavi shikojnë në arrestimet e fundit.

Me 2 maj 2008, cikloni Nargis e goditi Mianmarin (Burma), duke shkaktuar dëme të mëdha me 38 491 të vdekur dhe 27 838 të zhdukur. Situata llogaritet si kritike në çdo shtet tjetër, megjithatë qeveria e armatosur ose hunta, e cila është në qeverisje, e kufizoi hyrjen e ndihmave ushqimore, vullnetarëve, mjekëve ose përgatitjes, me kërkesë që të gjitha donacionet të kalojnë nën kontrollin e tyre dhe me kufizim të dhënies së vizave turistike. Sipas Burma Njuz, burim lokal onlajn për informata, hunta gjithashtu ka vendosur rregulla për gazetarët se si të lajmërojnë për ciklonin, duke i kufizuar komunikimet e tyre, veçanërisht për lajmërimin e trupave të vdekur ose lajmërimin e ndihmës së pamjaftueshme për viktimat nga cikloni.

Edhe me gjithë këta kufizime për sjelljen e kamerave dhe fotografimit, megjithatë disa njerëz dolën për ta incizuar nivelin e dëmeve. Pas së gjithash duket që mosdëgjimi i tyre nga hunta për lajmërimin e ciklonit është i lidhur me ironinë e tyre ndaj huntës, për shkak se nuk i ka boshatis fshatrat e goditura edhe atëherë kur ishte e vetëdijshme për cikonin e pashmangshëm dhe shkatërrimin e mundshëm. Videot vijuese, të vendosura nga shfrytëzuesi JuTub aungsajapji, mund të ndikojnë të njerëzit e ndjeshëm: ata janë shumë grafikë, përfshijnë trupa të vdekur dhe duhet të shikohen me mature dhe leje nga të rriturit:

JuTub shfytëzuesi AfterNargisYgn vendosi seri të videove, të cilat përfshinë fotografi nga efektet e ciklonit në Jangon, qytetit më të madh në Mianmar, i njohur më herët si Rangun. Njerëz që largojnë drunjtë të rrëzuara, si lëvizin nëpër ujëra, i thajnë shtretërit e tyre, veshje dhe përfundimisht si tentojnë të pastrojnë dhe të vazhdojnë më tutje.

JuTub shfrytëzuesi Burma4u vendosi video me pasojat në Latbuta, të mbushur më viktima nga cikloni Nargis në strehimore, të cilët tentojnë të lejnë përderisa mendojnë çka do të ndodh me ata në një të afërme të ardhme të afërt dhe të largët.

Video për të ardhmen e njerëzve nga Burma është vendosur nga mjoçitMjanmar, edhe një JuTub shfrytëzues i cili vendosi video me titra në gjuhën angleze, në të cilën intervistohen njerëzit e mbijetuar nga Laputa dhe kampe refugjatësh nëpër rrugë: donacione me oriz dhe veshje për fëmijë, iniciativa private të bëra pa këshillin shtetëror për paqe dhe zhvillim e cila qeveris atje. Në ndërkohë, fotografi nga Burma Njuz tregon ndihmë e cila duket sikur është nga Kryqi i kuq se si shitet nëpër rrugë, ndërsa duhet ët ju jepet refugjatëve.

Videoja vijuese, gjithashtu nga aungsajapji e tregon përvojën e njerëzve në kampet e refugjatëve, donacionet e organizatave private: nga njerëzit dhe shitoret, arritja e gjeneralit ushtarak, duke sjellë premtime në vend të veshjeve, ushqim apo ujë. Ata u thanë refugjatëve se njerëzit të cilët kanë vdekur, kanë vdekur për shkak të karmës së keqe dhe se ata është dash ta llogarisin veten për të lumtur për shkak se kane jetuar. Dhanë disa propozime për grupim në mes veti nëpër fshatra dhe pas kësaj u larguan. Videoja është e titruar në gjuhën angleze që më mirë të kuptohen ngjarjet:

Në blogun JuTub të theksuara janë përpjekjet e video bashkive për ndihmë në Mianmar, ndërsa janë përpjekur edhe rrjetat për lajmërim dhe iniciativa private të cilat e dokumentojnë ciklonin dhe u mundësojnë botës të dijë se çka ka ndodhur me shtetin e vogël aziatik. P. sh.: Najtvoçer1982 nga Holanda deklaron se për çdo marrëveshje të pranuar të videove në videot e tij, ai do të donoj 5 dollarë në kryqin e kuq, kurse nëse videoja është e mirë do të donoj nga 10 dollarë:

Global Voices Online furnizon me reportazhe gjithëpërfshirëse të katastrofës dhe grumbullon informata nga burime të ndryshme nga Minamari dhe jashtë për ndodhitë për furnizim me ushqim, ujë dhe situatën e refugjatëve përderisa numri it ë zhdukurve vazhdimisht ritet. Mos nguroni ta vizitoni faqen speciale për gjendjen e ciklonit në Mianmar dhe ti lexoni postimet nga ekipi vullnetare-autor të cilët shkruajnë me përkthime nga bloget burmane, duke informuar nga dora e parë për jetën në Mianmar tani. Gjithashtu mund ta ndiqni furnizimin tonë për Mianmar në Tviter.

Me 17 maj do të mbahet ditë globale për viktimat në Burma, në të cilën ftohen njerëzit të ju përcjellin tjerëve për krizën në Mianmar, kurse disa tani më organizojnë ngjarje për grumbullimin e gjërave.

Sundimtari i mëparshëm i Kuvajtit sheiku Saad Al Abdulla Al Sabah pas një sëmundje të gjatë sot ndërroi jetë, në moshën 78 vjeçare. Bashkia onlajn e Kuvajtit ishte e tronditur nga lajmi dhe me mijëra porosi për ngushëllime u paraqitën në bloge, në gjuhën arabe dhe angleze. Shteti lajmëroi 3 ditë zije – por zgjedhjet parlamentare, të lajmëruara për të shtunën, do të mbahen sipas planit.

Saba [Ar] paraqiti pjesën në vijim:

يعتصرنا الالم بفقدان رجل عظيم من رجالات الكويت
الذي ضحى بحياته وكرسها دائما وابدا من اجل الدفاع عن تراب هذه الارض
وكان رحمة الله عليه علامة بارزة في تاريخ الكويت المعاصر
كقائد عظيم يشار عليه بالبنان
وذلك من خلال البطولات التى تصدى لها
في فترة تقلدة مراكز السيادة والحكم في دولتنا الحبييه

Jemi të lënduar për shkak të humbjes së njeriut të madh të Kuvajtit, i cili e rrezikonte jetën e tij dhe gjithmonë e mbronte vendin e tij. Ai ishte, shpirti i tij le të prehet në paqe, personalitet i madh në historinë bashkëkohore të Kuvajtit. Ai ishte udhëheqës i shkëlqyeshëm, me vepra heroike të cilat të gjithë i dinë në kohën e punës së tij zyrtare dhe qeverisjes së tij me vendin tonë të dashur.

Mr Çokolejt [Ar] gjithashtu është i mbuluar me emocione dhe shkruan:

كنت سنداً لأخيك أمير القلوب الشيخ جابر الأحمد الجابر الصباح رحمه الله
و والداً لأهل الكويت
لن ننسى فضلك و جهدك في تحرير الكويت
و لن ننسى انك كنت أحد أبناء أبو الدستور الشيخ عبدالله السالم الصباح
ربما حكمتنا أيام و لكن لن ننسى معاناتك مع المرض
رحمكم الله جميعاً يا أوفياء الكويت

Ti gjithmonë ishe shtyllë e forcës për vëllain tënd, Emir i Zemrës, sheiku Xhaber Al Ahmad Al Xhaber Al Sabah, shpirti i tij le të prehet në paqe. Ti ishte baba i njerëzve në Kuvajt. Asnjëherë nuk do të harrojmë se ti ishe njëri ndër djemtë e babait të kushtetutës së Kuvajtit, sheikut Abdulla Al Salem Al Sabah. Ndoshta ishe qeveritar vetëm disa ditë, por asnjëherë nuk do ta harrojmë vuajtjen tënde me sëmundje. Le të ketë Zoti mëshirë për të gjithë njerëzit e Kuvajtit.

Al Tarik [Ar] dëshiron durim te rim te njerëzit e Kuvajtit në tejkalimin e kësaj fatkeqësie. Ai shkruan:

ادعو له بالرحمة والمغفرة ، وأن يلهم الله أهله وذويه والشعب الكويتي الصبر والسلوان

Lutem për mëshirë dhe bekim dhe familja e tij në zi dhe njerëzit nga Kuvajti të kenë durim për tejkalimin e kësaj fatkeqësie.

5-q8 paraqiti fotografinë vijuese, në të cilën shkruan: Lamtumirë, baba i Fahadit, djalit më të vjetër të sheikut Saad.

Blkalfasih [Ar] lajmëroi se zgjedhjet do të mbahen të shtunën, me 17 maj, duke shtuar se në vend janë lajmëruar 3 ditë zi – të mërkurën, të enjten dhe të premten.

Dita Panxhea ishte e organizuar të shtunën dhe u mblodhën njerëz nga vende të ndryshme të botës që të shikojnë filma dhe të jenë pjesë e ngjarjes botërore në të cilën filmat, folësit dhe muzika na treguan diçka më shumë për jetën nga ana tjetër e globit botërorë, duke mbledhur njerëz nga të gjitha sferat e jetës, me besimin se nuk jemi aq të ndryshme se sa që mendojmë. Ngjarja zuri edhe garë për përshkrime të videove nga telefonat celularë, ku edhe kishte fitues nga vende të ndryshme.

Nga Kigali në Ruanda, njëra nga pesë lokacionet kryesore të incizimit, vijon slajdshou me fotografi të ngjarjes të vendosura në OVI, platformë për përshkrime të videove e cila shfrytëzoheshe për promovimin e përmbajtjeve të ditës panxhea:

Nga Haifa në Izrael, slajdshou tjetër nga mbledhja për ndjekjen e ngjarjes afër hapësirës Cezareja:

Gjatë kohës së ngjarjes, miqtë e veb – faqes së Panxhea kishin paraqitje e drejtpërdrejt nga vende të ndryshme të botës në mess ë cilave SHBA, Kolumbia, Italia, Japonia, Zelanda e Re. Ngjarjet tjera, si p.sh.: Dita Panxhea kolumbeze në Medelin [es] kishin veb faqe të tyre në të cilin në fillim të ngjarjes u paraqitën blogimi i drejtpërdrejtë, videopërshkrimet striming dhe fotografi.
Nokia, partner i ditës Panxhea e organizoi manifestimin e Nokias për videopërshkrime më të mira nga pajisjet e celularëve 2008 paralelisht me ngjarjet tjera, kurse pesë finalistët u vendosën në çdonjërin nga pesë lokacionet për incizim. Mund ti shikoni videopërshkrimet fituese në veb-faqen OVI për ditën Panxhea. Finalist ishin: “Qarqe gjithkund përreth nesh” nga kajum – Indi, “Buzëqeshja” nga gufilopez – Indonezi, “Ylberet mahnitës! Të incizuara dhe monitoruara në Nokiën time N93” nga rupertou – Mbretëria e bashkuar “, “Loja” – fëmijë jugoafrikan lozin në hapësirat e video lojërave” nga ekaçuço dhe “Mjegullat në lëvizje” nga pjerba – Itali.

Fituesi i çmimit të madh të veb faqes së OVI për Panxhea/Nokia është okaçuno dhe videopërshkrimi i tij me fëmijët jugoafrikan si luajnë video lojëra, i cili fitoi udhëtim në Rezervatin e gorillave në Ruanda, në shoqërim të gjithë ekipit e cila do ti ndihmoj fituesit ta xhiroj udhëtimin e tij.

Nga tërheqja e organizuar nga Nokia dhe Vomvorld, rezultatet e së cilës u lajmëruan nga produksioni i Dejvid Hauel, krijues i videopërshkrimeve fituese do të fiton Nokia N82, futrollë, trekëmbësh, kartelë memorie, telefon të fiksuar në kokë dhe altoparlantë. Videopërshkrimi i zgjedhur ishte “Ylberet mahnitës”, dhe në kumtimin e tij ai përmendi se ai është zgjedhur për fitues për shkak se ai më së miri e ka fotografuar shpirtin e videopërshkrimeve celulare: duke incizuar ata çaste të rralla të cilat mundeshin të zhduken dhe asnjëherë të mos përsëriten.

Tërmeti është dëgjuar në Peking, Tianjin, Chongqing, pjesë e Hebei, Shanxi, Shaanxi, Sichuan, Gansu, Henan, Ningxia dhe Jiangsu.

Shikoni më poshtë më të rejat nga rajoni.

Nga videot shpërndarëse të veb faqes Tudo, shfrytëzuesi danta1990's ka vendos varg figurash të marra nga Schuan kryeqitet i Chengdu.

Danvei ka vendosur disa risi nga burime të ndryshme, si Shangaist, me informata të videove shfrytëzuese të veb faqes së video portalit kinez Sikhuan, ku menjëherë u gjetën disa video në faqen fillestare.

Ky klip në 56.com është vendosur nga shfrytëzuesi Litël Fish:

Njoftohuni me ngjarjet e ditëve të fundit në Melezi që kur blogeri i njohur dhe komentuesi politik Raja Petra Kamarudin, 58 vjeçar, të nartën ishte dënuar me burgim, pas gjykimit që e akuzoi si veprim kryengritës për një shkrim të postuar në blog.

Nëse qeveria e Malajzisë ishte vërtetë e shqetësuar për ndikimin e mundshëm të blogerëve në lidhje me mosdëgjimin qytetarë, tani ka arritur pikërisht atë. Mendoni, ky është vend ku çdo politikan ka blogun e vetë – Xhef Oi është njëri ndër disa malajzezë të cilët kanë blogun e vetë dhe bën thirrje për reforma të zgjedhjeve të fundit parlamentare – po bile edhe bricjapët e vjetër tani kanë bloget e tyre.

Kryeministri i mëparshëm Mahatir Mohamed ka blog i cili është shumë i lexuar, si edhe kryeministri mundshëm i ardhshëm Anvar Ibrahim.

“Ata i vendosën bloget e tyre, ndërsa mundohen ti mbyllin tonat”

Raja është njëri ndër zërat onlajn më të fortë edhe jashtë internetit në Malajzi, prandaj kontrolloni deklaratat e tij për të drejtat e njeriut pas dënimit të tij, të vendosura nga vlogeri fortesë i medias qytetare, Malajsiakini.

Raja Petra (ose RPK) rastin e tij e paraqiti para parlamentit, ku deputetët-bloger e quajnë burgimi i RPK hakmarrje politike, kërkuar nga opozita aktuale për shkak humbjes së tyre të madhe në zgjedhjet e fundit, zgjedhje ku për herë të parë bloger të njohur fituan vende në parlament, me platformën e transparencës së madhe dhe post-kolonimit të integrimit racorë.

Ashtu siç paraqet ylli malajzez, për herë të parë është kjo që një bloger të jetë i akuzuar për aktin kryengritës dhe RPK tani ballafaqohet me dënim të më shumë se 1500 dollarëve dhe /ose 3 vjet burgim. Gjykimi, në të cilin u akuzua edhe biznesmeni Sued Akbar Ali për kryengritje për shkak të vendosjes së komentit në blogun e RPK, pas së gjithash duket se është bërë pa ndonjë sqarim të aktit të cilin RPK e ka thyer.

Lob grupi multietnik për reforma Aliran, e shikoi tekstin e Aktit dhe tregoi tronditjen e vetë se kjo dërgon te diçka më tepër se akuzim për shpifje.

Nga mëngjesi i së enjtes, lexuesit e RPK u ngritën onlajn më tepër për atë për të cilën ai është i akuzuar, kurse u paraqit edhe lajmi se Reja Petra është në grevë urie dhe refuzon të takohet bile edhe me gruan e vetë.

Pas manifestimit të heshtur me qirinj të mbajtur para burgut Sungai Biloh me 7 maj, vijonte edhe një e mbajtur në qendrën e Kuala Lumpur.

Grupi Fejsbuk, e cila u formua për lirimin e RPK, sot është shumë aktive dhe në të mund të shikohet e gjithë pajisja me fotografi, për çdonjërin që dëshiron të vendos simbol ne blogun e vetë që të tregojë përkrahje:

Në qendër të gjithë kësaj akoma është vrasja e modeles së mëparshme mongoleze dhe poliglotit Altantija; postim i blogut të Raja Petra, i cili bën thirrje për drejtësi për zbulimin e rastit të vdekjes së saj është postuar gjerësisht në ditët e fundit; ja fillimi i tij:

Sot nuk do të flasim për politikën. Gjithashtu nuk do të flasim për racën ose për besimin. Sot do të flasim për ndërtimin e punës së njeriut. Hajde sot të flasim për hedhjen e “Drejtësi për Altantija: kampanjë për rikthimin e dinjitetit të Malezisë.” Dhe ejani ti dërgojmë ata të cilët e kanë vrarë Altantijën në ferr, ku edhe përkasin.

Ishte përcjellë thirrje deri te z. Kamarudin që të flasë në samitin e sivjetshëm të GlobalVoices, i cili do të mbahet në Budapest në qershor, i cili akoma është i hapur.

Blogerët etiopjan shpejtuan ta mbrojnë yllin e tyre më të njohur të popit Tedi Afro, prej kur ai u paraqit në gjykatë për vrasjen e një të riu në kryeqytetin Adis Abeba.

Shumë shkrimtarë ishin të bindur se Afro ishte në kurth nga qeveritar etiopjan, të cilët të inatosur nga popullariteti i këngëtarit i fshehën tekstet e këngëve anti-qeveritare.

Për herë të parë Afro ishte marr në pyetje nga policia në nëntor të vitit 2006, prej kur një djalë 18 vjeçar i pastrehë ishte i gjetur i vdekur nga shkelja e një veture në qendër të Adis Abeba. Policia lajmëroi se BMV-ja e Afro ishte parë në vendin e ngjarjes nga ana e një taksisti.

Adhuruesit e tij ishin shumë të shqetësuar kur Afro u burgos, u akuzua dhe u mbajt në burg javën e kaluar, dy vite pas incidentit. Mediat meinstrim e përshkruan rastin në të cilin adhuruesit protestonin para dhomës së gjykatës ku gjykatësi e refuzoi kërkesën për depozitën e seancës së shqyrtimit.

Tedi Afro – emir i vërtetë Tevodros Kasahun – është shumë i popullarizuar në mes të etiopjanëve brenda dhe jashtë vendit. Hiti i tij Jasteserjal (dëgjojeni në faqen e tij zyrtare teddyafro.com) – për të cilin shumica deklarojnë se kritikon disa udhëheqës të Etiopisë, përfshirë edhe kryeministrin aktual Meles Zenavi – ishte i ndaluar në radion shtetërore.

Merkato publikoj tekst nga Golto Aila, të quajtur Etiopia – “Forumi im i solidaritetit” për Tedi Afro – Hero i Etiopisë dhe i burgosur i vetëdijes, në të cilën thuhet:

Ky mbrojtës i së drejtës të njerëzve tonë; ky zë për ata pa zë; ky përkrahës i shtypur; ky argëtues mundeshe të jetonte jashtë vendit në luks dhe ti kënaqeshe jetës ashtu si shumica nga ne kënaqen, por duke e ditur rrezikun për jetën e tij, ai u kthye në shtëpi dhe vazhdoi me misionin që e caktoi vetë! Sot ai qëndron në burgun famëkeq Kaliti, pikërisht për shkak të asaj që ai e bëri për bashkëkombësit e tij! Ofendimet që ai i përjetoi deri më tani dhe do të vazhdoj ti përjetoj do të jenë simboli më prekës për vuajtjet e popullit tonë në dy dekadat e fundit!

Blogu i Debterav e përmend Afro në listën e “të burgosurve politik” në shkrimin Tensae Le-Etiopia.

Adis Tibeb për burgimin e Tedi Afro shkruan:

Shumë adhurues besojnë së Tedi për krimin është vënë në kurth nga qeveria, e cila e urrenë pranimin publik të tij të qortimeve politikave në disa nga këngët e Tedit

Arefe nga Adis zhurnal e përshkroi mendimin e tij për këtë rast, duke përshkruar skenat jashtë gjykatës kur gjykatësi e shtyu seancën e shqyrtimit të Tedit:

Mijëra adhurues me parulla për kurajë e përshëndetën arritjen e Tedit. Duke mbajtur syza dielli dhe bluza, Tedi i përshëndeti duke hyrë ngadalë në gjykatë. Sikur që e lëshonte gjykatën, bërtitja “lirojeni atë” u bë më intensive dhe policia i rrethoi dhe i arrestoi disa nga adhuruesit. Gazetarë i revistës Hamravaj dhe gazetarë revistash tjera ishin në mes të arrestuarve. Akoma nuk është e qartë se pse policia i arrestoi. Deklaroheshe se të gjithë kanë qenë të mbajtur në stacionin policor e cila ndodhte para gjykatës…
Burgimi i Tedit para dy javësh ngjalli interes të madh dhe shqetësim në qytet, ndërsa këngët e tij pa pritur shijuan popullaritet të madh në bare, veturat taksi dhe vendet publike.

Fretidiafro la një porosi në forumin esai, i cili udhëhiqet nga Asociacioni internacional i studentëve etiopjan:

Është shumë e vështirë të dihet nëse burgimi i Tedit është i motivuar nga politika ose është proces ligjor. Tedi është simbol i gjeneratës së re dhe të ardhme etiopjane. Ai është urë i së kaluarës, të tashmes dhe të ardhmes. Ai është idhul i gjeneratës së re. Patjetër ta sjellim Tedin në dritë përpara se të zhduket përgjithmonë.

Komentuesi esai Etiopia thotë se ai është i bindur se Afro është i pafajshëm dhe frikësohet për shansin e drejtë të gjykimit të tij:

Nuk besoj që Tedi është johuman për të lënë fëmijë të vdekur të shtrirë për toke dhe aq i marrë për të qëndruar në vend dy vite.

Semjuel Gebru dërgoi porosi për vëmendje, duke i thirr njerëzit për mos politizim të rastit të Afro në Etipopi: Burgimi i Tedi Afro:

Disa Etiopjan nga jashtë u munduan ta shkruajnë me germa të mëdha burgimin e tij, dukë kërkuar depozitë të seancës së gjykimit, përderisa qeveria tenton të ngrij ofertë për heshtje për këngëtarin e njohur…ka edhe shumë përpara së të sillet vendimi, për atë se çka do që të flitet anësh janë pastër spekulime. Megjithatë, politizimi i këtij arresti nuk është vetëm i gabuar por edhe i sëmurë në prodhimin e klimës së politikës etiopjane e cila është në zhvillim.

Me 10 Maj 2008 në orën 18:00 GMT, do të emitohen 24 filma në kohën e ngjarjes 4 orësh. Ajo çka e bën më të veçantë këtë ngjarje është që dita Panxhea do të emitoj nga 6 lokacione të ndryshme të botës, në 7 gjuhë të ndryshme dhe do të shikohet edhe përmes internetit, televizionit, telefonave celularë me një qëllim të vetëm: që të njoftohemi me jetën e të tjerëve dhe të fokusohemi në punët e ngjashme, në vend se në punët e ndryshme, të cilat do të na mundësojnë të punojmë së bashku për të arritur paqe. Iniciativa erdhi nga dëshira e krijuesit egjiptian të filmave Xhehan Nojaim. Si fitus i TED iu shpërnda çmimi për dëshirë më vlerë prej 100 000$. Dita Panxhea është dëshira e tij, për ndryshim të botës dhe të krijoj një ditë ku të gjithë njerëzit e botës do të shoqërohen përmes filmit. Këtu mund ta shikoni fjalimin e tij nga viti 2006 kur e mori shpërblimin.

Për shkak se Dita Pnxhea është për ti bashkuar njerëzit, u bë thirrje deri te publiku për ti vendosur videot e tyre në video kanalin e ditës Panxhea, ku mund të shikohen 1037 video të cilat janë vendosur si përgjigje e kësaj thirrje.

Si shembull, njëra nga videot e vendosura është për një student të arriti nga Tanzania, i cili e tregon tregimin e tij për jetën e tij të përditshme dhe se si ai dëshiron ti mësoj fëmijët pa strehë për artin. Vijon tregimi për Çado nga xhejmsstefenbroun:

Logjistika e ditës Panxhea frymëzon frikë: nga Kairo, Londra, Los Anxheles, Mumbai dhe Rio de Zheneiro, filma, muzikë gjallë dhe folës do të bashkohen për ta frymëzuar të gjithë botën. Filmat u zgjodhën nga më shumë se 25 000 filma nga 100 vende. Të gjithë këta filma shpërndajnë disa karakteristika, si mundësia e tyre e inspirimit, transferojnë dhe mundësojnë ta jetojmë jetën nëpërmjet syve të tjerëve. Mbretëresha Nor nga Jordania do të jetë njëra nga folësit së bashku me muzikantin dhe aktivistin Bob Geldorf, Kristian Amanpor nga CNN dhe rok grupin Iranian Hipernova. Përderisa në këta vende njerëzit do të afrohen, gjithkund në botë mund të lajmërohen grupe njerëzish dhe të tregojnë se edhe ata do të përfshihen: mund të marrin pjesë në ngjarje të hapur në qytetin tonë ose edhe vetë të organizoni tuajin.

Megjithatë, dita Panxhea nuk është vetëm për të qenë së bashku për ata 4 orë. Idea e kësaj ngjarje është që të inspirohen njerëzit të bisedojnë dhe të bëjnë ndryshime. Gjithashtu u mundëson tjerëve të marrin pjesë jo vetëm si shikues. Përmes Nokia, partneri i organizimit, disa krijuesve ambicioz të filmave nga lokacione të ndryshme nëpër botë u janë dhënë telefona celularë të cilat mbajnë incizim të videove, me qëllim që ti incizojnë tregimet e tyre. Gjithashtu, njerëzit mund të vendosin video të veten për ta marr telefonin celularë Nokia N95 8GB. Ky bashkëpunim na paraqiti refugjat nga Mianmar në India i cili incizon të qeshura të fëmijësh, familje iraniane e cila jeton në kamp të refugjatëve në Afganistan të cilët e kanë të incizuar videon e tyre për shpresë dhe Indian në Bangalor i cili incizoi prerjen e druve në Banjan…dhe fëmijë të cilët mbjellin dru të ri. Këta dhe video të tjera mund të shikoni në këtë veb faqe.

Ka shumë aspekte më të cilët mund të merrni pjesë. Mos e lëshoni shansin që të bëheni pjesë e kësaj ngjarje dhe informoni edhe të tjerët për ngjarjen.

Gazetari i Jemen Tajms, Hamed Tabet e përshkruan rastin:

Noxhud Muhamed Naser arriti në gjykatë vetëm, të mërkurën me datë 2 prill, duke shpresuar që gjykata të trajtoj rastin e saj kundra babait të saj, Muhamed Naser, i cili para dy muajve e detyroi atë të martohet me Faez Ali Thamer, një burrë 22 vjet më të moshuar se ajo. Fëmija gjithashtu kërkoi divorc, duke akuzuar burrin e saj për abuzim seksual dhe shërbyes.

Sipas ligjit në Jemen, Noxhud nuk mundet ta ndjek, për arsye se është e mitur. Megjithatë, gjykatësi Muhamed Al-Kvati i dëgjoi ankesat e saj dhe më vonë urdhëroi të burgosen burri i saj dhe babai i saj.

Stupeur!! Un nouveu depart!! shkruan:

Kur ne kishin 8 vjet, ne e shikonim kapedan Maxhed, Golderak dhe Takaja Todoroki [të gjithë janë karaktere të filmit vizatimor i cili para disa vitesh është shfaqur në televizionin e Marokos/Afrika veriore], ne luanim me top, luanim fshihem dhe kërkoj dhe lojë me rruzuj. Vajzat tona luanin me kukulla ose pretendonin mësuesen ose motrën medicinale.

Sot, në moshën 8 – vjeçare ata përballen me procedura gjyqësore, ku kërkojnë ndarje nga burri te i cili janë të detyruara.

Noxhud Muhamed Naser është vajzë e re e cila përfaqësoheshe vetë në gjykatë në Sana’a, ku kërkoj ndihmë nga gjykatësi. Ajo ngriti padi kundra babait të saj, i cili e martoi pa dëshirën e saj me një “burrë” të dhunshëm, i cili e ka keqpërdor seksualisht.

“Çdoherë kur dëshiroja të luaj në oborr, ai më rrihte dhe më detyronte të shkoj në dhomën e gjumit.”

Deri ku janë të gjendje të shkojnë këta homo-injorant?

Au 21éme siècle on entend encore parler de ces histoires? et on se demande encore pourquoi les arabes ont mauvaise réputation! on se demande encore pourquoi on nous traite de terroristes et de sous développés.

Si është e mundur që në shekullin e 21 akoma të dëgjojmë tregime të tilla? Dhe akoma pyesim se pse arabët kanë reputacion të keq! Akoma pyetemi se pse njerëzit na trajtojnë si nën – prodhues të terrorizmit.

Mos u mundoni të më tregoni se ky është një incident i izoluar! Në të vërtetë, shpesh përsëritet, por rrallë flitet për incidente të këtilla. Nuk mbaron me fëmijët, por shpesh ndodh edhe me vajza më të moshuara dhe vajza të reja..

Titulli i postimit, “Ces arabes qui ne nous ressemblent pas” (Arabët që aspak nuk janë të tillë), si shtesë e kësaj teme, provokonte një varg komentesh nga më i thjeshti “ajo është e gërditshme”, deri te lëvdimi i guximit të vajzës së vogël dhe shpresuar se raste të tilla nuk do të ndodhin më:

Asaj vajze të vogël ata i’a vodhën çiltërsinë! Çfar guximi që të shkosh vetë para gjykatësit!!! Këta sjellje barbare duhet të ndalohen dhe të dënohen! Shpresoj që ne asnjëherë nuk do të bëhemi si ata!

Komentimi tjetër i kujton lexuesit se pedofilia nuk është problem racor, por përgjegjësi shtetërore:

Arabët janë qenie njerëzore si dhe gjithë të tjerët! Pedofil mund të gjinden kudo qoftë në botë dhe ajo është e gërditshme. Ajo nuk është problem racor, por problem i disa shteteve të cilët nuk marrin masa për sjellje të ligjit, në të cilin do të theksohet moshë minimale për martesë dhe pëlqim i sinqertë.

Si përgjigje e këtij komenti, lexues tjetër shkruan:

Mirë tha Mad Xhebra [tag i komentit të më hershëm]. Perëndimorët nuk martohen me vajza 8 – vjeçare sepse kanë ligje të cilat ndalojnë që ta bëjnë këtë; megjithatë ajo nuk i ndalon ti dhunojnë …

Një bloger i emocionuar përgjigjet:

E lexova tregimin e kësaj vajze në numrin e sotshëm të Koriere dela Sera [një nga gazetat më të lexuara italiane]. Më besoni, më lotuan sytë dhe në periudhë prej 5 minutash nuk fola asnjë fjalë…Vendet si Jemeni duhet menjëherë të dënohen: dhunimi i fëmijëve të çiltër është formë terrorizmi, kurse ata e lejojnë atë. Për mua, kjo është më keq se tortura… Unë vërtet jam i nervozuar për shkak të kësaj… Kam aq shumë urrejtje!

Si përgjigje ndaj sentimentalizmit të blogerit, një tjetër shkruan:

Nuk ka asgjë me të cilin do të ishte krenuar ajo pjesë e planetit…Epoka e artë e tyre përfundimisht është vendosur në të kaluarën. Zgjimi i madh nuk do të ndodh së shpejti…

Blogeri i fundit rikthen në kohët e socializmit në Jemen, duke thënë:

Dhe duke menduar [në qytetin] e Anden në vitin 1972, i cili njiheshe nga socializmi, dhe vajza të reja dhe adoleshente të cilat shkonin në shkolla të mesme me të dashurit e tyre pa mos u kujdesur… Ky tregim më mërziti shumë dhe vetëm dua të pëlcas.