Daril Volk, bloger kanadez nga kategoria e mëparshme, deklaron:

Si katolik, gëzohem që papa Benedikti i XVI u drejtua direkt në këtë temë. Do të jenë të nevojshëm më shumë se fjalë dhe falje për tu shëruar plagët e shkaktuara nga veprimet e disa priftërinjve ndaj viktimave. Mendoj që sot kisha ime bëri hap në drejtim të duhur.

Leon J. Suseran nga Gujana Kronikal Blog, dëshironte të ishte atje:

Nëse ndonjëherë kam dëshiruar të jem në Shtetet e Bashkuara ajo është pikërisht tani, kur drejtuesi i 1.2 miliardë katolikëve, papa Benedikti XVI bëri udhëtimin e tij të parë apostolik te ai komb. Vizita e tij vjen në kohën kur Kisha Romakokatolike është sulmuar nga të gjitha anët, përfshirë edhe skandalet e fundit për keqtrajtime seksuale e cila tundi kishën, por jo edhe besimin e miliona besimtarëve nëpër të gjithë botën, të cilët edhe më tej vazhdojnë ta praktikojnë besimin të cilin e kanë marr nga apostolët.

Nga Trinidad dhe Tobago, Xheremi Tajlor, nga na tjetër, është irrituar nga pasiviteti i papës:

Nuk është e mjaftueshme ajo që papa është i turpëruar nga klerikët e tyre pedofil amerikanë, siç thotë ai se sot është në udhëtimin e tij në SHBA. Ai patjetër të bëj diçka rreth tyre. Faktikisht, shumë më shumë se “diçka.”

Talk Turkej pyetën veten çfarë ndikimi do të ketë vizita e papës në zgjedhjet e SHBA:

Pyes veten se a do ti vizitoj papa Obamën, Hilarin dhe Mekejn. Megjithatë ky është vit i zgjedhjeve. Në SHBA ka miliona katolik, në mes të së cilëve mendoj që ka edhe të tillë që kanë përjetuar ndarje, kanë praktikuar seks para martese, kanë pasur aborte, dhe ishin (ose dinë ndonjë që ka qenë) i keqtrajtuar si fëmijë i priftërinjve.

Edhe Dejv Veinderg nga Xhevnerik fokusohet nga anët pozitive nga vizita e papës në sinagogë, që paraqet ngjarje historike:

Vizita e papës në shkollë amerikane është punë shumë e madhe dhe në të vërtetë e tregon mbarëvajtjen pozitive të dy komuniteteve tona. Është më se e përshtatshme që papa e vizitoi sinagogën në mbrëmje në Pashkë, me atë që darka e fundit ishte Seder.

Fotografia është licencuar nën Kriejtiv komons nga xhon.sonderman.

Shoqëria informatike e Trinidadid dhe Tobagos postoi një përmbledhje të hollësishme të rrëfimeve të mediave për ngjarjen, dhe siç pritej, Blogu extra sekret i Basdeo Pandajit (The Extra Secret Blog of Basdeo Panday), i cili u krijua gjatë zgjedhjeve të përgjithshme që u mbajtën në Trinidad dhe Tobago si përgjijge ndaj këtij blogu të popullarizuar, shpejt mbrojti “veten”:

Shpresoj të gjithë të shihni se çka përjetoj për ju. Kalova një përvojë të hidhur në Parlament. PNM e skenoi këtë që të më bëjë të keq. Beri Sinanan i pari e ndëshkoi Gari Hantin për përdorimin e laptopit. Qëllimi ishte të bënin të dukej se askush nuk mund të përdorë laptopin, kështu që kur unë u lidha në internet ata donin të ma punonin ashtu siç ia punoi Akoni Dejna Alejnes në Zen kur ajo doli për “akullore”.

Në postimin e tij javor Notes from Port of Spain raportoi se:

Shtëpia e Përfaqësuesve u shkri kur lideri i opozitës u suspendua sepse përdori laptopin, me të cilin qeveria e kishte pajisur. Si rezultat, debati parlamentar për çmimet e ushqimit që ishin rritur për 19 % vitin e kaluar, u anulua.

KnowProSE.com për këtë aferë thotë:

Kjo, miq, duket më shumë si garë “kush mund të urinojë më larg” dhe sigurisht është shembulli më i mirë se si qeveria e Trinidadit dhe Tobagos thjeshtë s'funksionon. Ku duhet të jetë fokusi për çështjet aktuale, ndonëse kjo papritmas u bë laptopi i Pandajit. Teknologjia, edhe pse e dobishme , ka vendin e saj - tribuna qendrore e Pandajit nuk e bën rastin e Pandajit shumë më të mirë. Çka bënte ai në laptop që ishte aq e rëndësishme? A punonte në ndonjë problem krimi? Merrej me çështjen e zgjedhjeve lokale? A u diskutua kjo politikë me Folësin?

…derisa e gjithë kjo e la Caribbean Free Radio të ndjehet “tmerrësisht konfuz” - aq shumë sa që krijoi një olajn poll ta ndihmojë të kuptojë këtë incident.