Global Voices në Shqip

Shqip

Bota flet, a po dëgjon?

Haemus journal Vol.1 (2012)
http://haemus.mk

më tepër »

Nëpërmjet iniciativës së re kundër manipulimeve mediale të MIA-s, gjegjësisht Agjencisë informative të Maqedonisë që është në pronësi shtetërore, disa aktivistë i nxisin qytetarët që ta shprehin pakënaqësinë e tyre duke dërguar e-mail deri te agjencia.

Sipas blogut, ky aksion ka qenë si rezultat i shembullit të fundit për spin të paturpshëm (mk, en) kur korrespodenti i MIA-s e ka ndryshuar deklaratën e diplomatit amerikan Filip Riker për dëshpërimin e tij nga liderët ballkanikë, që të duket kinse ajo ka të bëjë me opozitën maqedonase. Rikeri e ka demantuar këtë në një deklaratë për portalin opozitar Libertas, duke sqaruar se e ka pasur fjalën për liderët që janë në pushtet dhe që largohen nga demokracia. Portali Libertas thotë poashtu se as qeveria e as MIA nuk janë përgjigjur në kërkesën e tyre për ta komentuar këtë çështje.

Aktivistët e iniciativës qytetare АMAN e vazhdojnë luftën e tyre për ligj më të mirë për energjetikë [en, mg, fr, es], përkundër presioneve dhe infiltrimeve. Në nëntor, “persona të panjohur” i kanë penguar ata të flasin me kryeministrin Gruevski në një “takim të hapur me qytetarët e komunës Qendër të Shkupit”. Sa i përket fushatës aktuale për mbledhjen e nënshkrimeve për ndryshime ligjore (afati për këtë gjë është 31 janari) ata e publikuan këtë njoftim:

më tepër »

Pamja nga ueb-faqja “Ballafaqohu me Ballkanin”.

Pesëmbëdhjetë gazetarë të rinj nga gjashtë vende të ndryshme të Ballkanit publikuan një seri me tregime personale për përfaqësues të minoriteteve të ndryshme nga Bosnja dhe Hercegovina, Kosova, Serbia dhe Maqedonia. Tregimet janë në dispozicion në gjuhën аngleze, gjermane dhe frënge në ueb-faqen “Ballafaqohu me Ballkanin”.

Organizata joprofitabile nga Maqedonia, Diversity Media, publikoi një artikull/podkast [në maqedonisht dhe në shqip] për reagimet e vendeve të Ballkanit për situatën në Siri, duke e prezantuar deklaratën e autorit të Global Voices, Ruslan Trad dhe të politikianit maqedonas Stojan Andov [Wikipedia: anglisht, maqedonisht], i cili ka shërbyer si ambasador i Jugosllavisë në Iraq në periudhën 1987-1991).

më tepër »

Sot në orën 13, në Gjyqin themelor Shkup I (salla për gjykim numër 17) do të mbahet seanca kryesore e procesit gjyqësor kundër Zharko Trajanovskit, i paditur për shpifje dhe ofendim nga ana e udhëheqësit televiziv proqeveritar Milenko Nedellkovski. Trajanovski akuzohet për shfrytëzimin e shprehjes “sharllatan mediatik” në lajmet kryesore të А1-it të ndjerë në diskutimin për fushatën për shprehje të urrejtjes së Nedellkovskit, e cila përfshin edhe thirrje për vrasje të gazetarëve “tradhëtarë” (en, mk).

më tepër »

Posteri për Festivalin e 8-të të stripit dhe të karikaturës në Prizren

Artistja maqedonase Vesna Niçevska-Saravinova blogoi (në anglisht) për pjesëmarrjen e saj në Festivalin e stripit në Prizren, që u organizua nga Shoqata e strip artistëve kosovarë, Xhennet Comics . Katër nga 15 artistë që morën pjesë në festival ishin nga Maqedonia, reporton [në maqedonisht] Eddie Rebel, së bashku me kolegët nga Italia, Turqia, Qiproja, Franca, Kosova, Bullgaria dhe Bosnja.

Bloguesi meksikan Pepe Flores konsideron [spanjolisht] se platforma nga Maqedonia për denoncimin e dhunës kundër grave në hapësirat publike Reago! është “një ide fantastike”, që mund të zbatohet nga Amerika Latine.