Global Voices në Shqip

E-revistë për historinë dhe arkeologjinë e Gadishullit Ballkanik

Valon Abdiu — Tue, 05 Mar 2013 10:40:51 +0000

Haemus journal Vol.1 (2012)
http://haemus.mk

Lajmërim për konkursin për grante të vogla të Rising Voices për vitin 2013

Valon Abdiu — Thu, 07 Feb 2013 19:40:27 +0000

A kendi ndonjë ide për projekt që do t'i ndihmonte komunitetit tuaj lokal në përdorimin e mediumeve qytetare, që të munden më lehtë t'i shpërndajnë tregimet e tyre? A keni nevojë për financim dhe përkrahje që ideja juaj të bëhet realitet?

Që nga viti 2007, Rising Voices mundohet të përkrahë individë, grupe njerëzish të thjeshtë, rrjete dhe organizata që janë përkushtuar ta ndihmojnë pjesëmarrjen e komuniteteve të tyre lokale në hapësirën digjitale onlajn. Duke ofruar mjete financiare dhe mentorim për projekte të vogla, Rising Voices deri tani ka përkrahur 35 projekte të mediumeve qytetare nga mbarë bota. Këto projekte u ndihmuan liderëve lokalë zëarve të rinj dhe jo aq të pranishëm në bisedën digjitale onlajn, me qëllim që ata t'i shpërndajnë tregimet e tyre ose t'i ngrisin çështjet që, sipas tyre, janë të rëndësishme për komunitetin.

Platformë e re

Duke filluar me rrethin e parë të financimit me grante të vogla në vitin 2013, Rising Voices zhvilloi platformë të re, ku kandidatët munden në mënyrë publike t'i përbashkojnë idetë e tyre me komunitetin e gjerë. Ky proces i hapur mund të mundësojë gjetjen e ideve dhe mundësive të mira, si dhe të ndihmojë në krijimin e lidhjeve ndërmjet grupeve që gjenden në rreth të njëjtë gjeografik ose grupeve që merren me të njëjtën çështje. Konsiderojmë se kjo mënyrë e re e përbashkimit të ideve do të ndikojë në mënyrë pozitive mbi komunitetin global, i cili ka qëllim të përbashkët për të krijuar një hapësirë digjitale onlajnë që është më inkluzive dhe më e larmishme.

Do të përkrahim deri në pesë grante të vogla në vlerë prej 2.500 deri në 4.000 dollarë amerikanë të aplikuesve të suksesshëm që kanë prezantuar ide solide dhe të qartë për atë se si më së miri mund t'u ofrohet trajnim dhe përkrahje anëtarëve të komunitetit të tyre lokal. Disa projekte të caktuara të grantistëve do t'i bashkangjiten komunitetit të Rising Voices dhe do të përbashkohen në masë të gjerë në rrjetin e Global Voices.

UDHËZIME

Rising Voices kërkon prokjekt-propozime që kanë mision të ngjashëm me ne – sjelljen e zërave nga komunitetet e reja, si dhe të grupeve gjuhësore më pak të përfaqësuara në bisedën globale onlajn, duke i shfrytëzuar mediat pjesëmarrëse qytetare. Aktivitete primare të këtyre projekteve duhet të janë realizimi i punëtorive për trajnim të gjithë komunitetit, si dhe ofrim i përkrahjes dhe mentorimit të vazhdueshëm. Shiheni listën tonë të projekteve aktuale dhe atyre të mëparshme që keni fituar grante, për të parë shembuj të projekteve të financuara më parë.

Shembuj të projekteve potenciale përfshijnë:

Organizimi i kampeve për trajnim të qytetarëve duke angazhuar blogues lokalë me përvojë në rolin e trajnuesve dhe të mentorëve, në komunitetet e përfaqësuara më pak, që do të rezultonte me formimin e rrjetit lokal të përkrahjes.
Punë me komunitetet lokale, me qëllim që gjeneratat e reja të mësohen dhe të inkurajohen ta shfrytëzojnë Twitter-in për t'u lidhur me të tjerët, si mënyrë për ruajtjen dhe promovimin e gjuhës së tyre amtare në internet.
Krijimi i partneritetit me ndonjë bibliotekë lokale që ka laborator kompjuterik, për t'i ftuar pjesëtarët e komunitetit për t'i diskutuar problemet dhe zgjidhjet lokale, dhe për t’i trajnuar ata se si krijojnë bloge të përbashkëta, për t’i shpërndarë këto bisedime në mbarë komunitetin.
Organizimi i disa shëtitjeve grupore për krijim të fotografive digjitale, ku anëtarët do të mund ta dokumentojnë jetën në komunitetet e tyre dhe do të krijojnë ekspozitë-onlajn duke e shfrytëzuar Flickr-in.
Mësimi i banorëve lokalë se si të inçizojnë dhe të redaktojnë zë me ndihmën e programit Audacity, që mund të publikohen në internet ose të shpërndahen te radiostacionet lokale me qëllim që të arrrijnë deri te një publik më i gjerë dhe të kenë ndikim më të madh.

Idetë për projekte nuk janë të kufizuara vetëm në këto që u përmendën më lartë dhe ju inkurajojmë të jeni kreativë, por edhe realistë në propozimet tuaja. Për informata plotësuese, shihni pyetjet e parashtruara më shpesh.

Që të paraqiteni, vizitojeni ueb-faqen për “Dorëzimin e propozimeve” ku mund të gjeni pyetje të shkurtëra të cilat do t'u mundësojnë ta përshkruani planin e projektit tuaj. Do të vëreni se ka numër të caktuar shenjash (e jo fjalësh) për çdo përgjigje.

PROCESI I APLIKIMIT

Gara do të zhvillohet sipas këtyre proceseve kohore:

Rrethi i parë - Kandidatët i dorëzojnë propozim-projektet e tyre fillestare duke e përdorur platformën onlajn. Pasi të publikohet propozimi, i ftojmë kandidatët që t'i përbashkojnë propozimet e tyre me rrjetin e tyre, që të marrin komente dhe sugjerime nga qytetarët e tjerë. Ekziston opcion me të cilin kandidatët mund t'i ruajnë propozim-projektet e tyre si private, në qoftë se janë të brengosur për sigurinë.

Të gjitha propozim-projektet do t'i shqyrtojë një komision i përbërë nga anëtarët e komunitetit të Global Voices, në mesin e të cilëve do të ketë edhe fitues të granteve të mëparshme.

Afati i fundit për paraqitje është dita e premte, 1 mars 2013 në orë 23:59 (GMT)

Rrethi i dytë - Komisioni do të përgatisë një listë të shkurtër me finalistë të cilët do të ftohen të dorëzojnë një propozim më të detajuar dhe më të gjatë duke përfshirë edhe buxhet, kornizë kohore dhe informata plotësuese të detajuara. Finalistët do të kenë mundësi të dorëzojnë edhe të dhëna plotësuese multimediale, të cilat do të mund të jenë në formë të video-inçizimeve ose fotografive të bëra nga aplikuesit që t'i ndihmojnë komisionit në sjelljen e vendimit përfundimtar.

Fituesit do të shpallen më 31 mars (kjo datë mund të ndryshojë varësisht nga numri i propozim-projekteve të pranuara që duhet të shqyrtohen).

Lirisht parashtroni pyetje, duke lënë komente ose duke dërguar e-mail nëpërmjet formularit për kontakt.

Me fat!

Maqedoni: Qytetarët kërkojnë nga Agjencia informative shtetërore t'i japë fund manipulimit

Valon Abdiu — Wed, 23 Jan 2013 14:49:07 +0000

Nëpërmjet iniciativës së re kundër manipulimeve mediale të MIA-s, gjegjësisht Agjencisë informative të Maqedonisë që është në pronësi shtetërore, disa aktivistë i nxisin qytetarët që ta shprehin pakënaqësinë e tyre duke dërguar e-mail deri te agjencia.

Sipas blogut, ky aksion ka qenë si rezultat i shembullit të fundit për spin të paturpshëm (mk, en) kur korrespodenti i MIA-s e ka ndryshuar deklaratën e diplomatit amerikan Filip Riker për dëshpërimin e tij nga liderët ballkanikë, që të duket kinse ajo ka të bëjë me opozitën maqedonase. Rikeri e ka demantuar këtë në një deklaratë për portalin opozitar Libertas, duke sqaruar se e ka pasur fjalën për liderët që janë në pushtet dhe që largohen nga demokracia. Portali Libertas thotë poashtu se as qeveria e as MIA nuk janë përgjigjur në kërkesën e tyre për ta komentuar këtë çështje.

Aktivistët e ‘AMAN’-it mbledhin 10.000 nënshkrimet e nevojshme për ndryshimin e Ligjit për energjetikë

Valon Abdiu — Thu, 17 Jan 2013 10:23:17 +0000

Aktivistët e iniciativës qytetare АMAN e vazhdojnë luftën e tyre për ligj më të mirë për energjetikë [en, mg, fr, es], përkundër presioneve dhe infiltrimeve. Në nëntor, “persona të panjohur” i kanë penguar ata të flasin me kryeministrin Gruevski në një “takim të hapur me qytetarët e komunës Qendër të Shkupit”. Sa i përket fushatës aktuale për mbledhjen e nënshkrimeve për ndryshime ligjore (afati për këtë gjë është 31 janari) ata e publikuan këtë njoftim:

(more…)

Grevë e gazetarëve në Kinë – rast i rrallë i kundërshtimit të censurës

Valon Abdiu — Fri, 11 Jan 2013 19:18:44 +0000

6 janari i vitit 2013 do të mbahet mend në historinë e gazetarisë kineze si dita kur gazeta e njohur “Uikendi jugor”, e cila një herë e ka udhëhequr valën e reformave mediale në Kinë, është gjendur në një situatë të pamëshirë.

Rreth orës 21:30 mikroblogu zyrtar i gazetës në rrjetin social “Sina Weibo” (në kinezisht) publikoi një deklaratë me titull “Deri te lexuesit”, ku demantoi se departamenti për propagandë që është kompetent për atë provincë ka pasur ndonjë rol në censurimin dhe redaktimin e paradokohshëm të editorialit të saj të Vitit të Ri (në anglisht).

Një orë më vonë, një pjesë e madhe e redaksisë shpalli grevë dhe u distancua nga deklarata “Deri te lexuesit”, nëpërmjet një deklarate të përbashkët (në kinezisht) nëpërmjet profilit për mikroblog në 163.com, duke deklaruar se mikroblogu zyrtar është marrë me forcë.

Shumë intelektualë publikë dhe gazetarë me ndikim i ndërruan fotografitë e tyre në “Sina Weibo” në versionin bardh e zi të “Uikendit jugor”.

Një grup studentësh kinezë të gazetarisë japin përkrahje për “Uikendin Jugor”. Fotografia është marrë nga inmediahk.net, për përdorim jokomercial.

Brendia e incidentit

Ditën e ardhshme, redaksia e “Ukiendit jugor” (anglisht, Southern Weekend) publikoi një postim të gjatë në formë të mikroblogut në 163.com, duke sqaruar se si ka ardhur deri te deklarata “Deri te lexuesit”. Në fillim, udhëheqësia e “Uikendit Jugor” dhe personeli kanë pasur qëndrim të njëjtë dhe janë marrë vesh që të bëjnë një hulumtim të hollësishëm të revizionit të shkrimit. Mirëpo, nën presion të Ministrisë për propagandë të provincës Guangdong, Wang Genghui, zëvendës redaktori i Nanfang Media (pronë e të cilës është “Uikendi jugor” dhe Huang Can, anëtar i këshillit redaktues të grupit dhe u.d. kryeredaktor i “Uikendit Jugor”, kanë kërkuar nga redaksia të publikojnë deklaratë “Deri te lexuesit” ku janë shtrembëruar faktet. Wu Wei (@风端), personi përgjegjës për blogun zyrtar të “Uikendit jugor”, ka refuzuar ta bëjë këtë, por nën presion e ka dorëzuar profilin dhe fjalëkalimin dhe në mikroblogun e tij personal ka publikuar se nga ai moment ai nuk mban përgjegjësi për përmbajtjet që do të publikohen në mikroblogun zyrtar (njoftimi i tij më vonë është fshirë).

Kundërshtimi i rrallë

Kina është shumë e njohur për censurën e gazetarisë. Shumica e gazetarëve në Kinë nuk kanë zgjedhje tjetër përveç që ta durojnë censurën gjatë karrierës së tyre. Ky incident, nga ana tjetër, çoi deri te një kundërshtim i rrallë dhe i hapur ndaj censurës që vjen nga lartë dhe deri te thirrje për përkrahje kolektive nga intelektualët publikë. Kjo jo vetëm që tregon se sa kredibilitet dhe dukshmëri ka pasur “Uikendi jugor” te publiku, por edhe i nxjerr në pah raportet e reja të fuqisë ndërmjet pushtetit dhe publikut, nën ndikimin e mediumeve të reja.

@五岳散人 një shfrytëzues me ndikim i mikroblogut Sina, shkroi:

@五岳散人:事件发展至今，明显可以看出已然犯了众怒，而且事情有越演越烈之势，不能釜底抽薪、只会扬汤止沸、最终引火烧身。这就是问题所在：所有狗屁倒灶的行为必须维护而不能切割，切割就证明错了，错了就会被追问，追问就会追到执政手法的根子上。

@五岳散人: Është e qartë se ky incident e tërboi publikun dhe ky rast do të fitojë në intensitet gjithnjë e më shumë. Nëse qeveria nuk mund ta zgjidhë problemin, në fund do ta djegë vetëveten. Në vend që ta bllokojë zërin e publikut, qeveria duhe të lejojë që ai të përhapet. Nëse do të ketë censurë, kjo do të thotë se qeveria bën gjëra të gabueshme dhe pastaj ajo do të ballafaqoheet me pyetje sa i përket problemeve që kanë të bëjnë me qeverisjen e saj.

Në fakt, shkrimtarët, dramaturgët dhe regjisorët janë në rolin e pengjeve kur bëhet fjalë për censurën në Kinë. Bloguesi dhe shkrimtari i njohur, Hanhan, në blogun e tij (në kinezisht) përshkruan një skenar të përditshëm me të cilin ballfaqohen artistët në Kinë (post ky i shkruar pas fshirjes së dy profileve të tij në platforma për mikrobologim):

“你可以有那些所谓的自由，因为他们有惩罚你的自由。无论是文学，新闻，影视，你都要花相当的精力用于得到他们的许可。哪怕你想讲讲规则，他们也不明确告诉你规则是什么，以便让每个人都或多或少是违反“规则”的。想要符合他们的规则，只有变成他们。我们自审互审，诚惶诚恐，战战兢兢，不停揣摩。”

“Përderisa ju gëzoheni me të ashtuquajturën liri, ata e gëzojnë lirinë që t'ju dënojnë. Nuk është me rëndësi se a punoni në letërsi, gazetari, film ose televizion – në të gjitha rastet duhet të bëni përpjekje të mëdha që të merrni leje prej tyre. Nuk ka rregulla të definuara që në fillim të cilat duhet të ndiqen, kështu që do të ndodhë që ta shkelni ndonjë rregull [të cilat vendosen në mënyrë arbitrare]. Në esencë, duhet të bëheni njëri prej tyre dhe t'i ndiqni ato rregulla të ndryshueshme. Prandaj, vetë e censurojmë punën tonë dhe punën e kolegëve tanë, përderisa përpiqemi të kuptojmë se cilat janë ato rregulla, ne jemi të kujdesshëm dhe të frikësuar.“

Për dallim nga redaksia e “Uikendit jugor”, shumë të tjerë nuk duan ta komprometojnë pozitën e tyre dhe t'i bashkangjiten kundërshtimit. Zëvendës kryeredaktori i magazinit “Populli” (anglisht People) e shkroi këtë në mikroblogun e tij:

@林天宏: 这些年，我们这些人，被毙稿，被封口，被噤声，然后开始习惯，开始妥协，开始自我安慰，开始熟悉那些明里暗里的边界和尺度，开始自我审查，就好像温水里煮着的青蛙。。。我们走得太远了，好像都忘记了当初为什么选择这个行当。为什么要守护Nz同仁？要我就一句话，人生短短数十载，怎能忘掉初心？

@林天宏: Gjatë gjithë këtyre viteve, u mësuam me faktin se propozim-tekstet tona do të shkatërrohen dhe se zërat tonë do të censurohen. Filluam të bëjmë kompromise dhe ta mashtrojmë vetëveten. E kuptuam se cilat ishin kufizimet e dyfishta dhe filluam me vetëcensurimin. Tanimë nuk kemi entuziazëm për profesionin tonë. Jemi larguar shumë për ta kuptuar se pse e zgjodhëm këtë karrierë. Pse duhet ta përkrahim redaksinë e “Uikendit jugor”? Vetëm një fjali: jeta është e shkurtër, si mund ta harrojmë përkushtimin tonë fillestar [që e zgjodhëm profesionin e gazetarit]?

Për shkak të sulmit anulohet ngjarja e lansimit të “Kosovo 2.0 talk sex”

Elena Ignatova — Thu, 20 Dec 2012 18:33:20 +0000

Kosovo 2.0, një ueb-faqe me bloge interaktive, artikuj dhe multimedia, që publikohet në shqip, anglisht dhe serbisht, kishte planifikuar ta lansojë botimin e saj të ri “Kosovo 2.0 Talks Sex” me një ngjarje më 14 dhjetor. Temat që janë mbuluar aty kanë përfshirë jetën e LGBT në Kosovë dhe në Ballkan, takimet, arsimin seksual, operacionet për ndërrim të gjinisë në Beograd, dhe shumë gjëra të tjera.

Për fat të keq, pak kohë pas fillimi të ngjarjes, një grup prej përafërsisht 20 burrave hynë në lokalin në Prishtinë, e dëmtuan binën dhe e rrahën një të punësuar. Ngjarja u anulua. Mund ta shihni inçizimin e sulmit këtu.

Pas incidentit, Kosovo 2.0 publikoi një deklaratë në faqen e tyre në Facebook:

Të dashur lexues dhe miq të Kosovo 2.0:

Deshtëm të ju japim informata mbi atë që ndodhi gjatë eventit tonë të lansimit, dhe spjegim mbi pse ahengun e lansimit është anuluar. Një ditë para eventit, filluam te merreshim mesazhe dhe komente urrejtese dhe kërcenuese në faqën tonë në Facebook. Në mëngjesin e eventit, i prezantuam komentet dhe mesazhet Shërbimit Policor të Kosovës dhe zyrtarisht kërkuam prezencën e policisë te Pallati i Rinisë (Boro Ramiz) gjatë ditës. Na janë caktuar disa pjesëtarë të policisë. Rreth orës 18:00, një grup të përafërsisht 15 burrave vërsulen Sallen e Kuqe të Pallatit të Rinisë. Policia nuk reagoi me kohë. Grupi i rreth 20 personave shkatërruan skenën tonë dhe rrahën njërin prej punëtorëve tanë. Mund të shikosh xhirimet këtu: http://www.youtube.com/watch?v=VGgISdKxZaU Megjithatë, mbajtëm serinë tonë të leximeve në orën 19:00.

Pas incidentit në orën 18:00, njësi speciale të policisë janë thirrur te vendi i ngjarjes. Rreth orës 22:30, gjysë ore para fillimit të ahengut të lansimit, një grup me mbi 100 protestues u afruan ndërteses, duke bërtitur epitete si “Jashtë pederat!” dhe “Allahu ekber!” Edhe pse policët ishin prezentë, ne vendosëm të mos rrezikojmë sigurinë e stafit dhe mysafireve tonë mbrenda në ndërtesë. Ne duheshim të largoheshim nga policët në grupe të vogla për të mos provokuar turmën.

Agjenda jonë e lansimit ka përfshirë shfaqjen e dy filmave dhe disa intervista, një bisedë me kontribuesit e revistës, dhe një aheng me muzikë, pije dhe kërcim.

Ngjarjet e natës së kaluar deshmojnë më fortë se kurrë nevojën për mendim të lirë dhe kritik. Demonstruan se sa lehtë të drejtat bazike të njeriut rrezikohen nga ekstremizmi religjioz, huliganizmi, dhe mendja ngushtësia. Kosovo 2.0 ka arritur misionin e hulumtimit të seksualitetit në Kosovë dhe anëmbanë Ballkanit në edicionin tonë Seks, dhe besojme se është se është një moment historik në gazetarinë e rajonit. Japim falemnderimet tona më të ngrohta përkrahësve dhe atyre që qëndruan me ne deri në fund të natës. Padyshim se do të vazhdojmë të flasim kunder jo-barazisë, urrejtjes dhe paragjykimeve, kurdo dhe kudo që mundemi.

Siria rikthehet në internet

Valon Abdiu — Sat, 15 Dec 2012 15:00:40 +0000

Siria është përsëri në internet – së paku disa pjesë të saj, thonë netizenët (shfrytëzuest e internetit) sirianë që jetojnë jashtë vendit, e që çmendurisht përpiqeshin të lidhen me të afërmit e tyre gjatë “errësimit” treditësh të komunikimeve dhe internetit.

Rime Alaf e përcolli lajmin në Twitter:

@rallaf: disa miq nga Siria sapo u lidhën në internet nga Damasku, mirëserdhët përsëri! #Syria

Bloguesi Razan Gazavi thotë:

@RedRazan: Ajo që tani ndodh në Facebook është e pazakontë: miqtë tanë janë duke publikuar përsëri dhe ne me kënaqësi e shohim faqen tonë të parë. #InternetBackinSyria

Ajo nuk e fsheh gëzimin e saj:

@RedRazan: Bisedoj me disa miq nga Damasku. Tingëlloj si fëmijë, por thjesht jam shumë e lumtur! #InternetBackInSyria #Syria

Ajo shton:

@RedRazan: “Paramendoni se sa të kënaqur do të jemi kur do të bjerë Asadi”, thonë një numër i madh sirianësh në Facebook, pasi Siria u rikthye në internet.” #InternetBackInSyria #Syria

Në ndërkohë, Brajan Vitaker thotë:

@Brian_Whit: Është e shtunë, e Asma dëshiron të blejë diçka onlajn. #syria

Asma Al Asad, gruaja e diktatorit sirian Bashar al Asad, gjoja pëlqen të blejë shumë nëpërmjet internetit.

Dita ndërkombëtare për t'i dhënë fund mosndëshkimit

Valon Abdiu — Sat, 15 Dec 2012 06:00:36 +0000

IFEX inicon Ditën ndërkombëtare të mosndëshkimit më 23 nëntor, për të kërkuar drejtësi për ithtarët e lirisë së të shprehurit.

(more…)

Prezantim i minoriteteve ballkanike

Valon Abdiu — Fri, 14 Dec 2012 15:50:46 +0000

Pamja nga ueb-faqja “Ballafaqohu me Ballkanin”.

Pesëmbëdhjetë gazetarë të rinj nga gjashtë vende të ndryshme të Ballkanit publikuan një seri me tregime personale për përfaqësues të minoriteteve të ndryshme nga Bosnja dhe Hercegovina, Kosova, Serbia dhe Maqedonia. Tregimet janë në dispozicion në gjuhën аngleze, gjermane dhe frënge në ueb-faqen “Ballafaqohu me Ballkanin”.

Iran: Familjes së bloguesit i kërkohet “të përgatisë një varr” për të

Valon Abdiu — Fri, 14 Dec 2012 15:00:52 +0000

Burime të afërta me opozitën iraniane thonë se bloguesi Sattar Beheshti, me gjasë ka vdekur “si pasojë e torturave” derisa ishte në paraburgim. Beheshti u arrestua javën e kaluar në shtëpinë e tij. Motra e tij thotë se “autoritetet kërkuan prej nesh të përgatisim një varr dhe nesër ta marrim trupin e tij”.